ബദിയഡുക്ക: പത്തു ലിറ്റര്‍ സ്പിരിറ്റുമായി യുവാവ് അറസ്റ്റില്‍. അഡൂര്‍ മാട്ട എടപറമ്പിലെ രതീഷി(24)നെയാണ് ബദിയഡുക്ക റെയ്ഞ്ച് എക്‌സൈസ് അധികൃതര്‍ അറസ്റ്റു ചെയ്തത്. എക്‌സൈസ് ഇന്‍സ്‌പെക്ടര്‍ ജോസ് പ്രതാപിന്റെ നേതൃത്വത്തില്‍ നടത്തിയ പരിശോധനയിലാണു മദ്യം കണ്ടെത്തിയത്. രതീഷിന്റെ വീടിനു സമീപമുള്ള ഷെഡ്ഡില്‍ കന്നാസില്‍ സൂക്ഷിച്ച നിലയിലായിരുന്നു സ്പിരിറ്റ്. സ്പിരിറ്റില്‍ കളര്‍ ചേര്‍ത്തു നേര്‍പ്പിച്ച് വിദേശ മദ്യമെന്ന പേരില്‍ വില്‍പന നടത്തുകയാണു രീതിയെന്ന് എക്‌സൈസ് അധികൃതര്‍ പറഞ്ഞു.
പരിശോധനാ സംഘത്തില്‍ എക്‌സൈസ് ഇന്‍സ്‌പെക്ടര്‍ക്കു പുറമെ അസിസ്റ്റന്റ് എക്‌സൈസ് ഇന്‍സ്‌പെക്ടര്‍ യു ദിവാകരന്‍, സിവില്‍ എക്‌സൈസ് ഓഫിസര്‍മാരായ കെ രമ, മനോജ് കുമാര്‍, ദിനൂപ് സംഘത്തിലുണ്ടായിരുന്നു.