ന്യൂഡല്‍ഹി: സിംബാബ്‌വെയ്‌ക്കെതിരേ ഇന്ത്യന്‍ താരം ലോകേഷ് രാഹുല്‍ നേടിയ കന്നി സെഞ്ച്വറി റെക്കോര്‍ഡ് ബുക്കിലിടം പിടിച്ചു. ഏകദിനത്തിലെ അരങ്ങേറ്റ മത്സരത്തില്‍ തന്നെ സെഞ്ച്വറി നേടുന്ന ആദ്യ ഇന്ത്യന്‍ താരമെന്ന റെക്കോര്‍ഡാണ് രാഹുലിനെ തേടിയെത്തിയത്. 115 പന്തില്‍ ഏഴു ഫോറും ഒരു സിക്‌സും പറത്തി 100 റണ്‍സുമായി രാഹുല്‍ പുറത്താകാതെ നിന്നു. നേരത്തെ റോബിയന്‍ ഉത്തപ്പ നേടിയ 86 റണ്‍സായിരുന്നു അരങ്ങേറ്റക്കാരന്റെ ഉയര്‍ന്ന ഏകദിന സ്‌കോര്‍.

രാഹുലിനൊപ്പം ഇന്നിങ്‌സ് ഓപണ്‍ ചെയ്തത് മറ്റൊരു അരങ്ങേറ്റ താരമായിരുന്നു. പാതി മലയാളിയായ കരുണ്‍ നായര്‍. 1976നു ശേഷം ആദ്യമായാണ് രണ്ടു അരങ്ങേറ്റ താരങ്ങള്‍ ഇന്ത്യക്കായി ഇന്നിങ്‌സ് ഓപണ്‍ ചെയ്യുന്നത്. 1976ല്‍ പാര്‍ഥസാരഥി വര്‍മയും ദിലീപ് വെങ്‌സര്‍ക്കാരുമാണ് അരങ്ങേറ്റത്തില്‍ തന്നെ ഓപണര്‍മാരായത്.