കൊല്ലം : കൊല്ലത്ത് മനുഷ്യ മഹാ ശൃംഖലക്കിടെ യുവാവിന്റെ ആത്മഹത്യാ ശ്രമം. ചിന്നക്കട ബസ് ബേയ്ക്ക് സമീപമായിരുന്നു സംഭവം. വന്ദേ മാതരം വിളിച്ച് കോണ്ടായിരുന്നു യുവാവ് കൈ ഞരമ്പ് മുറിച്ചത്. ഇയാല്‍ മാനസിക പ്രശ്‌നമുള്ളയാളാണെന്ന് പൊലിസ് പറഞ്ഞു. മനുഷ്യ മഹാ ശൃംഖലയുടെ കൊല്ലത്തെ പ്രധാന ഭാഗത്തായിരുന്നു യുവാവിന്റെ ആത്മഹത്യ ശ്രമം നടന്നത്.മന്ത്രി മെഴ്‌സിക്കുട്ടിയമ്മയടക്കമുള്ള ജില്ലയിലെ പ്രധാന നേതാക്കളുടെ ഭാഗത്തേക്ക് വന്ദേ മാതരം പാടി ഓടിയടുത്ത യുവാവ് കൈയ്യില്‍ കരുതിയിരുന്ന ആയുധം ഉപയോഗിച്ച് കൈ ഞരമ്പ് മുറിച്ച് മാറ്റി.ഉടന്‍ തന്നെ ഇയാളെ പൊലിസ് ഇവിടെ നിന്നും ജില്ലാ ആശുപത്രിയിലെക്ക് മാറ്റി. കിളികൊല്ലൂര്‍ സ്വദേശി അജോയ് (27) ആണ് ആത്മഹത്യ ശ്രമം നടത്തിയതെന്ന് പൊലിസ് പറഞ്ഞു.സംഭവത്തിന് രാഷ്ട്രിയ മാനമില്ലെന്നും ഇയാല്‍ക്ക് മാനസിക പ്രശ്‌നങ്ങളുള്ളതായി സ്ഥിതീകരണം ലഭിച്ചതായും പൊലിസ് വ്യക്തമാക്കി.

കയ്യിലെ മൂന്ന് ഞരമ്പുകള്‍ അറ്റ് പോയ യുവാവിനെ അടിയന്തിര ശസ്ത്രക്രിയക്കായി തിരുവനന്തപുരം മെഡിക്കല്‍ കോളേജാശുപത്രിയിലേക്ക് മാറ്റി.