ഓപ്ഷനുകള്‍ ഉള്‍െപ്പടെ തിരുത്താനുള്ള അവസരം ലഭിക്കും
ആദ്യ അലോട്ട്‌മെന്റ് ലിസ്റ്റ് 20ന്
മലപ്പുറം: ഹയര്‍സെക്കന്‍ഡറി പ്ലസ്‌വണ്‍ പ്രവേശനത്തിനുള്ള ട്രയല്‍ അലോട്ട്‌മെന്റ് ലിസ്റ്റ് പ്രസിദ്ധീകരിച്ചു. ജില്ലയില്‍ നിന്നും 26970 വിദ്യാര്‍ഥികളെ ഉള്‍പ്പെടുത്തിയാണ് ട്രയല്‍ ലിസ്റ്റ് തയാറാക്കിയിരിക്കുന്നത്. ജില്ലയില്‍ 33248 സീറ്റുകളാണ് പ്ലസ്‌വണ്‍ പ്രവേശനത്തിനുളളത്. 6278 സീറ്റുകള്‍ ട്രയല്‍ അലോട്ട്‌മെന്റിന് പരിഗണിച്ചിട്ടില്ല. 79,200 അപേക്ഷകളാണ് ജില്ലയില്‍ നിന്നുള്ളത്. 20നാണു പ്ലസ്‌വണ്‍ ആദ്യ അലോട്ട്‌മെന്റ് ലിസ്റ്റ് പ്രസിദ്ധീകരിക്കുക.
തുടര്‍ന്നാണ് പ്രവേശന നടപടികള്‍ ആരംഭിക്കുക. പ്രസിദ്ധീകരിച്ച ട്രയല്‍ അലോട്ട്‌മെന്റ് ലിസ്റ്റ് നാളെ വരെ പരിശോധിച്ച് തിരുത്താനുള്ളവ അന്നു വൈകീട്ട് നാലിനു മുമ്പായി അപേക്ഷ നല്‍കിയ സ്‌കൂളില്‍ സമര്‍പ്പിക്കണം. നേരത്തെ അപേക്ഷിച്ചതില്‍ നിന്നും ഓപ്ഷനുകള്‍ ഉള്‍പ്പെടെ തിരുത്താനുള്ള അവസരം ലഭിക്കും.
എസ്.എസ്.എല്‍.സി പുന:പരിശോധനയില്‍ ലഭിച്ച മാര്‍ക്കിന്റെ രേഖകള്‍ സഹിതം തിരുത്താനുള്ള അപേക്ഷ നല്‍കണം.
ബോണസ് പോയിന്റുകള്‍ ലഭിക്കുന്ന വിവരങ്ങള്‍, ടൈ ബ്രേക്കിനുപയോഗിക്കുന്ന വിവരങ്ങള്‍, അപേക്ഷകന്റെ കാറ്റഗറി മുതലായവ പരിഗണിക്കുന്നതിനു ആവശ്യമായ സര്‍ട്ടിഫിക്കറ്റുകള്‍ ഹാജരാക്കണം.