തൃക്കരിപ്പൂര്‍: റെയ്ഞ്ച് ജംഇയ്യത്തുല്‍ മുഅല്ലിമീന്‍, മദ്‌റസ മാനേജ്‌മെന്റ് അസോസിയേഷന്‍ എന്നിവയുടെ സംയുക്ത നേതൃത്വത്തില്‍ സംഘടിപ്പിക്കുന്ന പതിനാലാമത് റെയ്ഞ്ച് ഇസ്‌ലാമിക് കലാമേളക്ക് തെക്കെക്കാട് മഅ്ദനുല്‍ ഉലൂം മദ്‌റസയില്‍ (കോട്ടുമല ടി.എം ബാപ്പു മുസ്‌ലിയാര്‍ നഗര്‍) തുടക്കമായി. കലാമേള ജില്ലാ പഞ്ചായത്ത് പ്രസിഡന്റ് എ.ജി.സി ബഷീര്‍ ഉദ്ഘാടനം ചെയ്തു. റെയ്ഞ്ച് ജന. സെക്രട്ടറി ഹാരിസ് ഹസനി അധ്യക്ഷനായി. കെ.പി അഷ്‌റഫ് മുന്‍ഷി, യു.എം മുഹമ്മദ് കുഞ്ഞി ഹാജി, എം.എ.സി കുഞ്ഞബ്ദുല്ല ഹാജി, പി.വി അഹമ്മദ് ശരീഫ് ഹാജി, യു.പി.സി അഹമ്മദ് ഹാജി, ശാഹു ഹാജി, എ.ജി മുഹമ്മദ് കുഞ്ഞി, ജബ്ബാര്‍ ഹാജി, ഷമ്മാസ് അസ്ഹരി, എം.ടി.പി ഇസ്മയില്‍ വി.പി കുഞ്ഞബ്ദുല്ല മൗലവി സംസാരിച്ചു.