പനമരം: അഞ്ചുകുന്ന് യുനൈറ്റഡ് ആട്‌സ് ആന്റ് സ്‌പോട്‌സ് ക്ലബിന്റെ ആഭിമുഖ്യത്തിലുള്ള രണ്ടാമത് അഖിലേന്ത്യ വോളിബോള്‍ ടൂര്‍ണമെന്റ് നാളെ അഞ്ചുകുന്ന് ജി.എം യു.പി.സ്‌കൂള്‍ ഫ്‌ളഡ് ലൈറ്റ് സ്റ്റേഡിയത്തില്‍ നടത്തുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. കുടിവെള്ള ക്ഷാമം രൂക്ഷമായ പ്രദേശത്ത് കുടിവെള്ള വിതരണത്തിനുള്ള ഫണ്ട് കണ്ടെത്താനാണ് ടൂര്‍ണമെന്റ് സംഘടിപ്പിക്കുന്നത്. കഴിഞ്ഞ വര്‍ഷം 50000 രൂപചെലവഴിച്ച് ക്ലബിന്റെ നേതൃത്വത്തില്‍ കുടിവെള്ള വിതരണം നടത്തിയിരുന്നു. ഇത്തവണ മൂന്ന് ലക്ഷം രൂപ വരെയാണ് ചെലവ് പ്രതീക്ഷിക്കുന്നത്. വോളിബോള്‍ അസോസിയേഷന്റെ അംഗീകാരത്തോടെ നടക്കുന്ന ടൂര്‍ണമെന്റില്‍ പാരഡൈഴ്‌സ് കെല്ലൂര്‍, വോളി ടീം കല്ലേരി, വോളി അക്കാദമി കല്ലൂര്‍, ഫയ്‌റ്റേഴ്‌സ് പാണപുഴ എന്നീ ടീമുകള്‍ പങ്കെടുക്കും. ജില്ലാ പഞ്ചായത്ത് വൈസ് പ്രസിഡന്റ് പി.കെ അസ്മത്ത് മേള ഉദ്ഘാടനം ചെയ്യും. വാര്‍ത്താസമ്മേളനത്തില്‍ അബ്ദുസ്സമദ്, എം.കെ സലീം, മഹറൂഫ്, എം സലാം, കെ അസീസ്, മുജീബ് റഹ്മാന്‍ എന്നിവര്‍ പങ്കെടുത്തു.