കൊപ്പം: എസ്.വൈ.എസ് പട്ടാമ്പി മണ്ഡലം ഖുര്‍ആന്‍ സ്റ്റഡിസെന്ററിന്റെ ആഭിമുഖ്യത്തില്‍ നടത്തപ്പെടുന്ന ഖുര്‍ആന്‍ പ്രഭാഷണ വാര്‍ഷിക സമ്മേളനം ഇന്ന് ആമയൂര്‍ വാദി ഫുര്‍ഖാനില്‍ നടക്കും. വൈകുന്നേരം 4.30 മുതല്‍ നടക്കുന്ന ആദര്‍ശ സമ്മേളനം എസ്.വൈ.എസ് പട്ടാമ്പി മണ്ഡലം ജന.സെക്രട്ടറി സയ്യിദ് ഹസന്‍സഖാഫ് തങ്ങള്‍ ഉദ്ഘാടനം ചെയ്യും. മണ്ഡലം വൈസ് പ്രസിഡന്റ് എം.എം.ബഷീര്‍ മാസ്റ്റര്‍ അധ്യക്ഷനാകും.
അലവി ദാരിമി കുഴിമണ്ണ മുഖ്യപ്രഭാഷണം നടത്തും. എസ്.വൈ.എസ് മണ്ഡലം സെക്രട്ടറി റഷീദ് മാസ്റ്റര്‍ സ്വാഗതവും ഫത്താഹ് മുസ്ലിയാര്‍ ആമയൂര്‍ നന്ദിയും പറയും. മഗ് രിബ് നിസ്‌കാര ശേഷം നടത്തുന്ന ഖുര്‍ആന്‍ പ്രഭാഷണ വാര്‍ഷിക പൊതു സമ്മേളനത്തില്‍ സമസ്ത കേന്ദ്ര മുശാവറ അംഗം ശൈഖുനാ സയ്യിദ് കെ.പി.സി.തങ്ങള്‍ പ്രാര്‍ത്ഥന നിര്‍വഹിക്കും. സ്വാഗതസംഘം ചെയര്‍മാന്‍ സയ്യിദ് അബ്ദുറഹ്മാന്‍ ജിഫ്രി തങ്ങള്‍ വല്ലപ്പുഴ അധ്യക്ഷനാവും. സമസ്ത കേരള ജംഇയ്യത്തുല്‍ ഉലമ ജന.സെക്രട്ടറി ശൈഖുല്‍ ജാമിഅ പ്രൊഫ. കെ.ആലിക്കുട്ടി മുസ്ലിയാര്‍ ഉദ്ഘാടനം ചെയ്യും. കോഴിക്കോട് വലിയ ഖാസി സയ്യിദ് നാസര്‍ അബ്ദുല്‍ ഹയ്യ് ശിഹാബ് തങ്ങള്‍ പ്രാര്‍ത്ഥന സദസ്സിന് നേതൃത്വം നല്‍കും. സമസ്ത ജില്ലാ സാരഥികളായി തെരഞ്ഞടുക്കപ്പെട്ടവരെ ചടങ്ങില്‍ ആദരിക്കും. ഖലീല്‍ ഹുദവി കാസര്‍ഗോഡ് മുഖ്യപ്രഭാഷണം നടത്തും. എസ്.വൈ.എസ് സംസ്ഥാന വൈസ് പ്രസിഡന്റ് പി.കെ.ഇമ്പിച്ചിക്കോയ തങ്ങള്‍ ഉപഹാര സമര്‍പ്പണം നടത്തും. പി.കുഞ്ഞഹമ്മദ് മുസ്ലിയാര്‍ നെടുങ്ങോട്ടൂര്‍, സി.പി.മുഹമ്മദ് കുട്ടി മുസ്ലിയാര്‍ ചെമ്പുലങ്ങാട്, പട്ടാമ്പി ബ്ലോക്ക് പഞ്ചായത്ത് പ്രസിഡന്റ് കമ്മുക്കുട്ടി എടത്തോള്‍, സി.എ.എം.എ. കരീം, ടി.കെ. മുഹമ്മദ് കുട്ടി ഫൈസി, സയ്യിദ് ശിഹാബുദ്ധീന്‍ തങ്ങള്‍ വല്ലപ്പുഴ, എന്‍.പി.മരക്കാര്‍ ആമയൂര്‍, കെ.പി.എ. സമദ് മാസ്റ്റര്‍ പൈലിപ്പുറം പ്രസംഗിക്കും. ഖുര്‍ആന്‍ സ്റ്റഡിസെന്റര്‍ ജന. കണ്‍വീനര്‍ കെ.ആരിഫ് ഫൈസി തിരുവേഗപ്പുറ സ്വാഗതവും എസ്.വൈ.എസ് മണ്ഡലം സെക്രട്ടറി അബ്ദുറഹ്മാന്‍ മരുതൂര്‍ നന്ദിയും പറയും.