ജാമിഅ മില്ലിയ വിദ്യാര്‍ത്ഥി മാര്‍ച്ചിനു നേരെ നടന്ന വെടിവെപ്പിനെതിരെ ഡല്‍ഹി പൊലിസ് ഹെഡ്ക്വാര്‍ട്ടേര്‍സിനു മുന്നില്‍ വന്‍ പ്രതിഷേധം. ഐ.ടി.ഒയ്ക്ക് സമീപമുള്ള പഴയ പൊലിസ് ആസ്ഥാനത്തിനു മുന്‍പിലാണ് പ്രതിഷേധം നടന്നത്. പ്രതിഷേധക്കാരെ പൊലിസ് അറസ്റ്റ് ചെയ്ത് നീക്കി. 60 പേരെ രാജേന്ദ്രനഗര്‍ പൊലിസ് സ്റ്റേഷനിലേക്ക് കൊണ്ടുപോയി.

ഇന്നലെയാണ് ഡല്‍ഹിയില്‍ ജാമിഅ മില്ലിയ വിദ്യാര്‍ത്ഥികള്‍ രാജ്ഘട്ടിലേക്ക് നടത്തിയ സി.എ.എ വിരുദ്ധ മാര്‍ച്ചിനു നേരെ വെടിവെപ്പ് നടന്നത്.പൊലിസ് കയ്യുംകെട്ടി നോക്കി നില്‍ക്കേ ആയിരുന്നു അക്രമിയുടെ അഴിഞ്ഞാട്ടം. വെടിവയ്പില്‍ ഷദാബ് ഫാറൂഖ് എന്ന കശ്മീരി വിദ്യാര്‍ഥിക്ക് പരുക്കേറ്റു. ഇതാ നിങ്ങളുടെ സ്വാതന്ത്ര്യം(യെ ലോ ആസാദി) എന്ന് പറഞ്ഞായിരുന്നു വെടിവയ്പ്. വെടിവയ്പിന്റെ വിഡിയോ എ.എന്‍.ഐ പുറത്തുവിട്ടിരുന്നു.