നെയ്യാറ്റിന്‍കര: തിരുവനന്തപുരം തമ്പാനൂര്‍ തമിഴ്‌നാട് ബസ് സ്റ്റഡില്‍ മൊബൈല്‍ ഫോണ്‍ മോഷണം നിത്യസംഭവമായി മാറുന്നു. തിരുവനന്തപുരത്തു നിന്നും നാഗര്‍കോവിലിലെക്കു പോകുവാനുള്ള തമ്പാനൂര്‍ തമിഴ്‌നാട് ബസ്സ്റ്റിലെ തിക്കിലും തിരക്കിലുമിടക്ക് നിരവധി പേരുടെ മൊബൈല്‍ ഫോണുകള്‍ മോഷണം പോക്കുന്നതായി പരാതി. ഇന്നലെ വൈകിട്ട് അഞ്ച് മണിക്ക് തമ്പാനൂരില്‍ നിന്നും തമിഴ്‌നാട് ബസില്‍ കയറിയ പരശുവയ്ക്കല്‍ ഓമന ഭവനില്‍ കൃഷ്‌ണേന്ദുവിന്റെ മൊബൈല്‍ അടക്കം നിരവധി പേരുടെ മൊബൈല്‍ ഫോണുകളാണ് ബസിനുള്ളില്‍ നിന്നും മോഷണം പോയതായി തമ്പാനൂര്‍ പൊലിസില്‍ പരാതി നല്‍കിയിട്ടുള്ളത്. നെയ്യാറ്റിന്‍കരയിലെ സ്വകാര്യ സ്ഥാപനത്തിലെ ഡിക്രി വിദ്യാര്‍ഥിനിയായ കൃഷ്‌ണേന്ദു യൂനിവേഴ്‌സ്റ്റിയില്‍ എന്‍.എസ്.എസിന്റെ മാര്‍ക്ക് അടിസ്ഥാന മറിയുവാന്‍ പോയി വരുമ്പോള്‍ തമിഴ്‌നാട് ബസിനുള്ളില്‍ നിന്നും വിദ്യാര്‍ഥിയുടെ ബാഗ് തുറന്ന് മൊബൈല്‍ ഫോണ്‍ കവരുകയായിരുന്നു. സമാനമായ രിതിയില്‍ നിരവധി പരാതികള്‍ വരുന്നതായി തമ്പാനൂര്‍ പൊലിസ് പറയുന്നു.