അമ്പലപ്പുഴ: വിവിധ മേഖലകളില്‍ പ്രവര്‍ത്തനമികവ് തെളിയിച്ചവര്‍ക്ക്  ഫ്രണ്ട്‌സ് ഓഫ് പേഷ്യന്റ്‌സിന്റെ നേതൃത്വത്തില്‍ അവാര്‍ഡുനല്‍കി. വളഞ്ഞവഴി എസ്.എന്‍ കവല വ്യാപാരഭവനില്‍ നടന്നപരിപാടി കാപ്പ ഉപദേശസമിതിയംഗം അഡ്വ എ.നിസാമുദ്ദീന്‍ ഉദ്ഘാടനം ചെയ്തു. ഫ്രണ്ട്‌സ് ഓഫ് പേഷ്യന്റ്‌സ് പ്രസിഡന്റ് ഡി.പി ബാലചന്ദ്രന്‍ അധ്യക്ഷനായിരുന്നു. അമ്പലപ്പുഴ ബ്ലോക്ക് പഞ്ചായത്ത് പ്രസിഡന്റ് പ്രജിത്ത് കാരിക്കല്‍ മുഖ്യപ്രഭാഷണം നടത്തി. ആലപ്പുഴ മെഡിക്കല്‍ കോളേജ് സൈക്യാട്രി വിഭാഗം മേധാവി ഡോ. സുമേഷ് മുഖ്യാതിഥിയായിരുന്നു. ബ്ലോക്ക് പഞ്ചായത്തംഗം യു എം കബീര്‍ ഗ്രാമപഞ്ചായത്തംഗം ലേഖാമോള്‍, കെ.എ അമീര്‍ സൈനബാഷരീഫ്, കമാല്‍ എം മാക്കിയില്‍ എന്നിവര്‍ പ്രസംഗിച്ചു.