ന്യൂഡല്‍ഹി: മൂന്നുവയസ് പ്രായമുള്ള ഇരട്ടക്കുട്ടികള്‍ വാഷിങ്‌മെഷിനിലെ വെള്ളത്തില്‍ മുങ്ങിമരിച്ചു. ഡല്‍ഹിയിലെ രോഹിണി ജില്ലയിലെ അവന്തിക ഹൗസിങ് കോപ്ലക്‌സിലെ ഒരു ഫഌറ്റിലായിരുന്നു അപകടം.
വാഷിങ്‌മെഷിനിനടുത്തു കളിച്ചുകൊണ്ടിരിക്കുകയായിരുന്നു ഇരുവരും. കുട്ടികളുടെ മാതാവ് സോപ്പ് വാങ്ങാനായി പുറത്തുപോയപ്പോഴാണു സംഭവം. കുട്ടികളെ കാണാതായതിനെ തുടര്‍ന്ന് പൊലിസില്‍ പരാതി നല്‍കിയിരുന്നു.
തുടര്‍ന്നു വീട്ടുകാര്‍ നടത്തിയ അന്വേഷണത്തിലാണ് ഇവരെ വാഷിങ്‌മെഷിനില്‍ മരിച്ച നിലയില്‍ കണ്ടെത്തിയതെന്ന് പൊലിസ് ഡെപ്യൂട്ടി കമ്മിഷണര്‍ എം.എന്‍ തിവാരി പറഞ്ഞു.കുട്ടികളെ കാണാനില്ലെന്നു കാണിച്ച് രക്ഷിതാക്കള്‍ പൊലിസില്‍ പരാതി നല്‍കിയിരുന്നു. തുടര്‍ന്നാണ് വാഷിങ്‌മെഷിനില്‍ കണ്ടെത്തിയത്. വെള്ളം നിറച്ചുവച്ച മെഷിനില്‍ കുട്ടികള്‍ പിടിച്ചുകയറിയപ്പോള്‍ അബദ്ധവശാല്‍ വെള്ളത്തിലേക്കു വീണതായിരിക്കാമെന്നു സംശയിക്കുന്നതായി പൊലിസ് പറഞ്ഞു. പൊലിസ് കേസെടുത്ത് അന്വേഷണം ആരംഭിച്ചിട്ടുണ്ട്.