കൊയിലാണ്ടി: നഗരത്തില്‍ അഞ്ച് കടകളില്‍ മോഷണം. ഒരു ലക്ഷം രൂപ നഷ്ടപ്പെട്ടു. ഇന്നലെ പുലര്‍ച്ചെയാണ് സംഭവം.
പുതിയ ബസ് സ്റ്റാന്‍ഡ്, റെയില്‍വേ ലിങ്ക് റോഡ് എന്നിവിടങ്ങളിലെ കടകളിലാണ് ഷട്ടര്‍ കുത്തിത്തുറന്ന് മോഷണം നടത്തിയത്. ഫിംഗര്‍പ്രിന്റ് ഉദ്യോഗസ്ഥരും, ഡോഗ് സ്‌ക്വാഡും പരിശോധന നടത്തി.
കടകളില്‍ നിന്നും മണംപിടിച്ച് നീങ്ങിയ പൊലിസ് നായ റെയില്‍വേ സ്റ്റേഷന് സമീപമാണ് നിന്നത്.
എസ്.ഐ രാജന്റെ നേതൃത്വത്തില്‍ കൊയിലാണ്ടി പൊലിസും കടകളില്‍ പരിശോധന നടത്തി.