ഹരിപ്പാട്: കുടുംബത്തിലെ സാമ്പത്തിക പ്രയാസങ്ങള്‍ കാരണം ആറ്റില്‍ ചാടി ജീവനൊടുക്കിയ വീയപുരം ഹയര്‍സെക്കന്‍ഡറി സ്‌കൂളിലെ പ്ലസ് വണ്‍ വിദ്യാര്‍ഥിനി അനശ്വരയുടെ വാടകവീട്ടില്‍ രക്ഷിതാക്കളെ ആശ്വസിപ്പിക്കാന്‍ പ്രതിപക്ഷ നേതാവും സ്ഥലം എം.എല്‍.എയുമായ രമേശ് ചെന്നിത്തല എത്തി.
മരണത്തിനിടയാക്കിയ സംഭവങ്ങള്‍ ചോദിച്ചറിഞ്ഞ അദ്ദേഹം തനിക്ക് സംസ്‌കാരചടങ്ങിന് പങ്കെടുക്കാന്‍ കഴിയാതിരുന്നതിന്റെ ബുദ്ധിമുട്ട് അനശ്വരയുടെ മാതാവിനോട് പറഞ്ഞു. കുടുംബത്തിന് വീടും സ്ഥലവും നല്‍കുന്ന കാര്യം ഇടപാട് ചെയ്യും. കുടുംബത്തിന് പത്ത്‌ലക്ഷം രൂപ നഷ്ടപരിഹാരം നല്‍കണമെന്ന് ആവശ്യപ്പെട്ട് താന്‍ മുഖ്യമന്ത്രിക്ക് കത്ത് നല്‍കിയിട്ടുണ്ടെന്നും അദ്ദേഹം പറഞ്ഞു. ജോണ്‍ തോമസ്, എം.ആര്‍ ഹരികുമാര്‍, രാധാകൃഷ്ണപിള്ള എന്നിവരും അദ്ദേഹത്തോടൊപ്പം ഉണ്ടായിരുന്നു.