മട്ടന്നൂര്‍ (കണ്ണൂര്‍): വീടിനു സമീപത്തെ നിര്‍മാണത്തിലിരിക്കുന്ന മതിലിടിഞ്ഞുവീണ് മാതാവും കുഞ്ഞും മരിച്ചു. ചാവശ്ശേരി പറമ്പ് ലക്ഷംവീട് കോളനിയിലെ സി.കെ ആബിദ (22), മകള്‍ ഫാത്തിമത്ത് നിസ്‌വത്ത് (ഒന്നര) എന്നിവരാണു മരിച്ചത്.

തിങ്കളാഴ്ച വൈകുന്നേരം മൂന്നോടെയായിരുന്നു അപകടം. പുറത്തുപോയി വീട്ടിലേക്കു വരുകയായിരുന്ന ഇവരുടെ മേല്‍ സമീപത്തെ സ്വകാര്യവ്യക്തിയുടെ പറമ്പില്‍ നിര്‍മാണത്തിലിരിക്കുന്ന മതില്‍ തകര്‍ന്നുവീഴുകയായിരുന്നു. നിസ്‌വത്ത് സംഭവസ്ഥലത്തും ആബിദ കണ്ണൂരിലെ ആശുപത്രിയില്‍ കൊണ്ടുംപോകും വഴിയുമാണു മരിച്ചത്.

ഞായറാഴ്ച രാത്രി പെയ്ത കനത്തമഴയെ തുടര്‍ന്നാണ് മതില്‍ ഇടിഞ്ഞുവീണതെന്നാണു പ്രാഥമിക നിഗമനം.