മണ്ണാര്‍ക്കാട്: കാഞ്ഞിരപ്പുഴ പളളിപ്പടിയില്‍ കഴിഞ്ഞ ദിവസം ദുരൂഹ സാഹചര്യത്തില്‍ മരണപ്പെട്ട യുവാവിന്റെ മരണം കൊലപാതകം. സംഭവത്തില്‍ പിതാവ് നാരായണ (62)നെതിരെ കോലപാതക കുറ്റത്തിന് പൊലീസ് കേസെടുത്തു. നാരായണന്റെ മകന്‍ മുത്താലു (42)നെ ശനിയാഴ്ച പുലര്‍ച്ചെ രണ്ടുമണിയോടെ വീടിന് സമീപം മരിച്ച നിലയില്‍ കാണപ്പെടുകയായിരുന്നു. പിതാവ് നാരായണന്‍ പൊലീസ് കസ്റ്റഡിയിലുളളതായാണ് സൂചന. ശനിയാഴ്ച രാത്രി വൈകി വീട്ടില്‍ വഴക്കുണ്ടായിരുന്നതായി സമീപവാസികള്‍ പറയുന്നു. മൃതദേഹം തൃശൂര്‍ മെഡിക്കല്‍ കോളജില്‍ പോസ്റ്റ് മോര്‍ട്ടം നടത്തിയതിനുശേഷം ബന്ധുക്കള്‍ക്ക് വിട്ടുകൊടുത്തിരുന്നു. കേസന്വേഷണ ചുമതല മണ്ണാര്‍ക്കാട് സി.ഐ ഹിദായത്തുല്ല മാമ്പ്രക്കാണ്.