തിരുവനന്തപുരം: ഹോമിയോപ്പതി മേഖലയില്‍ പ്രവര്‍ത്തിക്കുന്ന കേരളത്തിലെ മികച്ച ഡോക്ടര്‍മാര്‍ക്കും അധ്യാപകര്‍ക്കുമുള്ള സംസ്ഥാന ഹോമിയോപ്പതി അവാര്‍ഡുകള്‍ മന്ത്രി കെ.കെ ശൈലജ പ്രഖ്യാപിച്ചു. ഹോമിയോപ്പതി ചികിത്സാ രംഗത്ത് സമഗ്ര സംഭാവനകള്‍ക്കുള്ള ഡോ. ഹാനിമാന്‍ അവാര്‍ഡിന് ഡോ. കെ.ജെ ഐസക്, ഹോമിയോപ്പതി വകുപ്പിലെ മികച്ച ഡോക്ടര്‍ക്കുള്ള ഡോ. വില്യം ബോറിക് അവാര്‍ഡിന് ഡോ. എസ്. സുബൈര്‍, മികച്ച ഹോമിയോപ്പതി അധ്യാപകനുള്ള ഡോ. ജെ.ടി കെന്റ് അവാര്‍ഡിന് ഡോ. കെ.എല്‍ ബാബു, സ്വകാര്യ- അര്‍ധസര്‍ക്കാര്‍ മേഖലയിലെ മികച്ച ഹോമിയോ ഡോക്ടര്‍ക്കുള്ള ഡോ. എം.എന്‍ പിള്ള അവാര്‍ഡിന് ഡോ. എസ്.ജി ബിജു എന്നിവര്‍ അര്‍ഹരായി.
ജേതാക്കള്‍ക്കു നാളെ വൈകീട്ട് നാലിന് തിരുവനന്തപുരം മാസ്‌കറ്റ് ഹോട്ടലിലെ കണ്‍വെന്‍ഷന്‍ സെന്ററില്‍ നടക്കുന്ന ചടങ്ങില്‍ മന്ത്രി കെ.കെ ശൈലജ അവാര്‍ഡുകള്‍ സമ്മാനിക്കും.