സുല്‍ത്താന്‍ ബത്തേരി: ദേശീയപാത 766ല്‍ സുല്‍ത്താന്‍ ബത്തേരിക്ക് സമീപം ബീനാച്ചിയില്‍ ലോറിയും ബൈക്കും കൂട്ടിയിടിച്ച് ബൈക്ക് യാത്രികനായ യുവാവ് മരിച്ചു. പൂതാടി പഞ്ചായത്ത് സി.പി.ഐ ലോക്കല്‍ സെക്രട്ടറി കേണിച്ചിറ പരപ്പനങ്ങാടി തയ്യില്‍ ഗോപാലന്റെ മകന്‍ നിബിനാ(26)ണ് മരിച്ചത്.
തിങ്കളാഴ്ച രാത്രി 7.30 ഓടെയാണ് അപകടമുണ്ടായത്. ജോലി കഴിഞ്ഞ് വീട്ടിലേക്ക് മടങ്ങുകയായിരുന്ന നിബിന്‍ ഓടിച്ചിരുന്ന ബൈക്കില്‍ സുല്‍ത്താന്‍ ബത്തേരി ഭാഗത്തേക്ക് വരികയായിരുന്ന ലോറി ഇടിക്കുകയായിരുന്നുവെന്നാണ് ദൃക്‌സാക്ഷികള്‍ പറയുന്നത്. ഉടനെ സുല്‍ത്താന്‍ ബത്തേരിയിലെ സ്വകാര്യ ആശുപത്രിയില്‍ എത്തിച്ചെങ്കിലും മരണപ്പെട്ടു. അമ്മ: ലളിത. സഹോദരന്‍: പരേതനായ നിധിന്‍.