യാമ്പു: കേരളത്തിൽ ആതുര ജനസേവന രംഗത്ത് പ്രവർത്തിക്കുന്ന കമ്മിറ്റികൾക്കോ കൂട്ടായ്മകൾക്കോ സ്ഥാപനങ്ങൾക്കോ സൗജന്യമായി ഡയാലി സിസ് മെഷീൻ നൽകുമെന്ന് സഊദിയിലെ യാമ്പു മലയാളി അസോസിയേഷൻ (വൈ.എം.എ) അറിയിച്ചു .സാമ്പത്തികമായി പിന്നാക്കം നിൽക്കുന്ന ആശുപത്രി സൗകര്യങ്ങൾ കുറഞ്ഞ പ്രദേശങ്ങളിൽ നിന്നുള്ള അപേക്ഷകൾക്ക് മുൻഗണന നൽകും. സാമ്പത്തിക പ്രയാസം അനുഭവിക്കുന്നവർക്ക് പൂർണമായും സൗജന്യമായി ഡയാലി സിസ് സൗകര്യം നൽകാൻ അപേക്ഷകർ തയ്യറായാൽ അവരുടെ കൂടി സഹകരണത്തോടെ പദ്ധതി നടപ്പിലാക്കും.
       ഡയാലിസിസ് പദ്ധതിയിലേക്ക് കേരളത്തിൽ നിന്നുള്ള അർഹരായ സന്നദ്ധ സംഘടനകൾക്കും കൂട്ടായ്‌മകൾക്കും [email protected] എന്ന വിലാസത്തിൽ അപേക്ഷ നൽകുകയോ വൈ.എം.എ ഭാരവാഹികളുമായി ബന്ധപ്പെടുകയോ ചെയ്യാമെന്ന് ഭാരവാഹികൾ അറിയിച്ചു. വിശദ വിവരങ്ങൾക്ക് 00966 56 700 3263, 00966 50 898 7407 എന്നീ നമ്പറുകളിൽ വിളിക്കാവുന്നതാണ്.
       കേരളത്തിൽ ജനസേവന രംഗത്ത് പ്രവർത്തിക്കുന്ന അർഹരായ സന്നദ്ധ കൂട്ടായ്മകൾക്ക് വൈ.എം.എ ഇതിനകം മൂന്നു ഡയാലിസി സ് മെഷീൻ സംഭാവന ചെയ്തിട്ടുണ്ട്. വിവിധ സംഘടനകളുടെയും സുമനസ്സുകളു ടെയും സാമ്പത്തിക പിന്തുണയോടെയാണ് പദ്ധതി നടപ്പിലാക്കുന്നത്. തീരുമാനം കൈകൊണ്ട എക്സിക്യൂട്ടീവ് കമ്മിറ്റിയുടെയും 'നന്മ യാമ്പു' പ്രവർത്തകരുടെയും സംയുക്ത യോഗത്തിൽ വൈ.എം.എ പ്രസിഡൻറ് അബൂബക്കർ മേഴത്തൂർ അധ്യക്ഷ ത വഹിച്ചു.