കൊച്ചി: ഗായകന്‍ യേശുദാസിന്റെ സഹോദരന്‍ കെ.ജെ ജസ്റ്റിനെ മരിച്ച നിലയില്‍ കണ്ടെത്തി. വല്ലാര്‍പാടം ഡി.പി വേള്‍ഡിന് സമീപമുള്ള കായലില്‍ ബുധനാഴ്ച രണ്ടോടെയാണ് മൃതദേഹം കണ്ടെത്തിയത്.

കാക്കനാട് അത്താണിയില്‍ വാടകയ്ക്ക് താമസിക്കുന്ന ജസ്റ്റിന്‍ രാത്രി വൈകിയും വീട്ടിലെത്തിയിരുന്നില്ല. തുടര്‍ന്ന് കുടുംബം പൊലിസില്‍ പരാതി നല്‍കിയിരുന്നു. മുളവുകാട് പൊലിസ് സ്റ്റേഷന്‍ പരിധിയില്‍ ഒരു മൃതദേഹം കണ്ടുവെന്ന വിവരം ലഭിച്ചത് ഇതിന് ശേഷമാണ്.

രാത്രി ബന്ധുക്കളെത്തിയാണ് മൃതദേഹം തിരിച്ചറിഞ്ഞത്.
സംഗീതജ്ഞനും നാടകനടനുമായിരുന്ന അഗസ്റ്റിന്‍ ജോസഫിന്റെയും എലിസബത്തിന്റെയും ഇളയ മകനാണ് കെ.ജെ ജസ്റ്റിന്‍. ജിജിയാണ് ഭാര്യ. സഹോദരങ്ങള്‍: ആന്റപ്പന്‍, മണി, ജയമ്മ, പരേതരായ ബാബു, പുഷ്പ.