വാണിമേല്‍: രാജ്യത്തെ വിവിധ കേന്ദ്ര സര്‍വകലാശാലകളില്‍ പഠിക്കാനുള്ള മോഹമുമായി വിദ്യാര്‍ഥികള്‍ സംഗമിച്ചു. വാണിമേലിന്റെ വിദ്യാഭ്യാസ മുന്നേറ്റത്തിനായി രൂപീകരിച്ച എജ്യു വാണിമേലിന്റെ നേതൃത്വത്തിലാണ് വിവിധ കേന്ദ്ര സര്‍വകലാശാലകളില്‍ പഠനം ആഗ്രഹിക്കുന്ന വിദ്യാര്‍ഥികള്‍ക്കായി സെന്ററല്‍ യൂനിവേഴ്‌സിറ്റി ഓറിയന്റേഷന്‍ പ്രോഗ്രാം സംഘടിപ്പിച്ചത്. രാജ്യത്തെ മികച്ച സര്‍വകലാശാലയിലെ പഠന മോഹവുമായി ഇരുന്നൂറോളം വിദ്യാര്‍ഥികള്‍ സെമിനാറില്‍ പങ്കെടുത്തു.
നാട്ടിന്‍ പുറങ്ങളിലെ സാധാരണ കുടുംബങ്ങളില്‍ നിന്ന് പോലും സ്വപ്നങ്ങള്‍ സഫലമാക്കാന്‍ വഴിതേടിയാണ് പുതു തലമുറ ഓറിയന്റേഷന്‍ ക്യാംപിനെത്തിയത്. വൈജ്ഞാനിക ബൗദ്ധിക വളര്‍ച്ചക്ക് മികച്ച അന്തരീക്ഷമുള്ള കേന്ദ്ര സര്‍വകലാശാലകളെ അടുത്തറിയാന്‍ ഏറെ ഫലപ്രദമായിരുന്നു ക്യാംപ്. മൊകേരി ഗവ. ചരിത്ര വിഭാഗം തലവന്‍ കെ.കെ അശ്‌റഫ് ഉദ്ഘാടനം ചെയ്തു.  എജ്യു വാണിമേല്‍ ചെയര്‍മാന്‍ ജാഫര്‍ പി.പി അധ്യക്ഷനായി. വിവിധ യൂനിവേഴ്‌സിറ്റികളെ പ്രതിനിധീകരിച്ച് തുഫൈല്‍ പി.കെ (പോണ്ടിച്ചേരി ), യാസര്‍ (ഹൈദരാബാദ്), ഫുഹാദ് കെ (ഇന്ത്യന്‍ മാരിടൈം യൂനീവേഴ്‌സിറ്റി), ഷാന ഷെറിന്‍ (അലീഗഡ്), മുഹമ്മദ് വാസില്‍ (ജാമിഅ മില്ലിയ), എസ് മുഹമ്മദ്, വി അസീസ് മാസ്റ്റര്‍, സുധിലാല്‍ ഒന്തത്ത്, ശാഹിദ് കെ.പി, സാദിഖ് കെ, സിറില്‍ ഫിലിപ്പ്, ആതിര, വിജ്ഞാന്‍ ദാസ് സംസാരിച്ചു.