മങ്കട: പൗരത്വ നിയമ ഭേദഗതിയില്‍ പ്രതിഷേധിച്ച് ബോര്‍ഡ് സ്ഥാപിച്ചുവെന്ന് ആരോപിച്ച് മങ്കടയില്‍ യുവാവിനെ പൊലിസ് അറസ്റ്റ് ചെയ്തു. വെള്ളില സ്വദേശി പറക്കോട്ടുപലത്ത് അനസിനെയാണ് മങ്കട വനിതാ എസ്.ഐ ഇന്ദിരാമണി അറസ്റ്റ് ചെയ്തത്. മറ്റ് നാല് പേര്‍ക്കെതിരേയും കേസ് രജിസ്റ്റര്‍ ചെയ്തിട്ടുണ്ടെന്ന് പൊലിസ് അറിയിച്ചു. ബി.ജെ.പി പ്രവര്‍ത്തകന്‍ നല്‍കിയ പരാതിയിലാണ് ഐ.പി.സി 153 പ്രകാരം മങ്കട പൊലിസ് കേസെടുത്തത്. എന്‍.ആര്‍.സി, സി.എ.എ എന്നിവക്കെതിരേ പ്രതിഷേധിച്ച് വെള്ളില നെരവിലാണ് ബോര്‍ഡ് സ്ഥാപിച്ചിരുന്നത്. അനസിനെ പിന്നീട് ജാമ്യത്തില്‍ വിട്ടു