കോഴിക്കോട്: പ്രധാനമന്ത്രിക്ക് കേരളത്തെക്കുറിച്ച് ഒന്നുമറിയെല്ലന്നും അതാണ് സംസ്ഥാനത്ത് ത്രിപുര ആവര്‍ത്തിക്കുമെന്ന മലര്‍പ്പൊടിക്കാരന്റെ സ്വപ്‌നം വിളമ്പാന്‍ ധൈര്യം നല്‍കിയതെന്നും ഐ. എന്‍. എല്‍ സംസ്ഥാന പ്രസിഡന്റ് പ്രൊഫ. എ. പി അബ്ദുള്‍ വഹാബ്. രാഷ്ട്രീയ പ്രബുദ്ധരായ കേരളീയരുടെ മുന്‍പില്‍ സംഘ്പരിവാര്‍ മുന്നോട്ടുവയ്ക്കുന്ന വര്‍ഗീയ, നശീകരണ രാഷ്ട്രീയത്തിന് ഒരു സ്ഥാനവുമില്ലെന്ന് ഇതിനോടകം തന്നെ തെളിയിച്ചതാണ്. ആസന്നമായ പൊതുതിരഞ്ഞെടുപ്പില്‍ 20 മണ്ഡലങ്ങളിലും കെട്ടിവെച്ച കാശ് നഷ്ടപ്പെടുമ്പോള്‍ കേരളത്തിന്റെ രാഷ്ട്രീയ പ്രബുദ്ധ കൂടുതല്‍ മനസിലാകുമെന്നും നേതാക്കള്‍ പറഞ്ഞു.