കോഴിക്കോട്: കേരള പ്രവാസി സംഘം സംസ്ഥാന സമ്മേളനം 18,19 തിയതികളില്‍ കോഴിക്കോട് ടാഗോര്‍ ഹാളില്‍ നടക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ പറഞ്ഞു. അഞ്ചാം സംസ്ഥാന സമ്മേളനത്തിന്റെ പൊതു സമ്മേളനം 19ന് മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യും. പ്രതിനിധി സമ്മേളനം കെ.ടി ജലീല്‍ ഉദ്ഘാടനം ചെയ്യും.
മന്ത്രിമാരായ ടി.പി രാമകൃഷ്ണന്‍, എ.കെ ശശീന്ദ്രന്‍ പങ്കെടുക്കും. എളമരം കരീം എം.പി, എം.എല്‍. മാരായ എ പ്രദീപ്കുമാര്‍, കെ.വി അബ്ദുല്‍ ഖാദര്‍, വി.കെ.സി മമ്മദ് കോയ, പി.ടി.എ റഹീം, കാരാട്ട് റസാഖ്, പുരുഷന്‍ കടലുണ്ടി തുടങ്ങിയവര്‍ പങ്കെടുക്കും. വാര്‍ത്താസമ്മേളനത്തില്‍ പി.ടി കുഞ്ഞുമുഹമ്മദ്, കെ.വി അബ്ദുല്‍ ഖാദര്‍ എം.എല്‍.എ, ബാദുഷ കടലുണ്ടി, സി.വി ഇഖ്ബാല്‍ പങ്കെടുത്തു.