കോഴിക്കോട്: സംഗീത ലോകത്ത് 50 വര്‍ഷം പൂര്‍ത്തിയാക്കുന്ന വി.ടി മുരളിയെ വടകര എഫാസിന്റെ നേതൃത്വത്തില്‍ ആദരിക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. 19ന് വടകര ടൗണ്‍ ഹാളില്‍ നടക്കുന്ന ആഘോഷപരിപാടി സാഹിത്യകാരന്‍ ടി. പത്മനാഭന്‍ ഉദ്ഘാടനം ചെയ്യും. മന്ത്രി കടന്നപ്പള്ളി രാമചന്ദ്രന്‍, എം.എ ബേബി പങ്കെടുക്കും. 20ന് വൈകിട്ട് അഞ്ചിന് നടക്കുന്ന സമാപനപരിപാടി സംഗീതസംവിധായകന്‍ എം. ജയചന്ദ്രന്‍ ഉദ്ഘാടനം ചെയ്യും.
കേരള സംഗീത നാടക അക്കാദമിയും ചലച്ചിത്ര അക്കാദമി, ഫോക്‌ലോര്‍ അക്കാദമി എന്നിവയുടെ സഹകരണത്തോടെയാണു പരിപാടി സംഘടിപ്പിക്കുന്നത്. വാര്‍ത്താസമ്മേളനത്തില്‍ ടി.വി.എ ജലീല്‍, കാനപ്പള്ളി ബാലകൃഷ്ണന്‍, ടി. രാജന്‍, കെ.സി പവിത്രന്‍, സജീവന്‍ ചോറോട് പങ്കെടുത്തു.