മലപ്പുറം: കേരളാ ഹയര്‍സെക്കന്‍ഡറി ടീച്ചേഴ്‌സ് യൂനിയന്‍ സംസ്ഥാന സമ്മേളനം നാളെ മുതല്‍ മലപ്പുറത്തു നടക്കും. നാളെ ഉച്ചയ്ക്ക് 2.30ന് സംസ്ഥാന പ്രസിഡന്റ് കെ.ടി അബ്ദുല്‍ ലത്തീഫ് പതാക ഉയര്‍ത്തും. 3.30ന് സെമിനാര്‍ പാണക്കാട് സയ്യിദ് സ്വാദിഖലി ശിഹാബ് തങ്ങള്‍ ഉദ്ഘാടനം ചെയ്യും. മൂന്നിനു രാവിലെ പത്തിനു കൗണ്‍സില്‍ മീറ്റ്, വനിതാ സമ്മേളനം, യാത്രയയപ്പ് സമ്മേളനം എന്നിവ നടക്കും. വൈകിട്ട് നാലിനു പാണക്കാട് സയ്യിദ് ഹൈദരലി ശിഹാബ് തങ്ങള്‍ സമ്മേളനം ഉദ്ഘാടനം ചെയ്യും. ഏഴിനു സഹൃദയ സന്ധ്യയും നടക്കും.
നാലിനു രാവിലെ പത്തിന് അക്കാദമിക് മീറ്റ് നടക്കും. 11നു സമ്പൂര്‍ണ സമ്മേളനം പി.കെ കുഞ്ഞാലിക്കുട്ടി എം.എല്‍.എ ഉദ്ഘാടനം ചെയ്യും. രണ്ടിനു വിദ്യാഭ്യാസ സമ്മേളനം പി.കെ അബ്ദുറബ്ബ് എം. എല്‍.എയുടെ അധ്യക്ഷതയില്‍ ഇ.ടി മുഹമ്മദ് ബഷീര്‍ എം.പി ഉദ്ഘാടനം ചെയ്യും. നാലിനു പ്രകടനം ആരംഭിക്കും. അഞ്ചിനു പൊതുസമ്മേളനം പി. ഉബൈദുല്ല എം.എല്‍.എ ഉദ്ഘാടനം ചെയ്യും. വാര്‍ത്താസമ്മേളനത്തില്‍ ഒ. ഷൗക്കത്തലി, കെ.ടി അബ്ദുല്‍ ലത്തീഫ്, പി. മൊയ്തീന്‍കുട്ടി, കെ.എന്‍ മുഹമ്മദ് ഇസ്മാഈല്‍, നുഅ്ന്‍ ഷിബിലി, അഹമ്മദ് ബഷീര്‍, എം.എ സലാം പങ്കെടുത്തു.