രാജ്യത്തെ പ്രമുഖ ഗവേഷണോന്മുഖ സര്‍വകലാശാലയായ നോയിഡയിലെ ശിവനാടാര്‍ യൂനിവേഴ്‌സിറ്റി പുതിയ അധ്യയനവര്‍ഷം സ്‌കോളര്‍ഷിപ്പോടെ എം.ബി.എ പ്രോഗ്രാമിലേക്ക് അപേക്ഷ ക്ഷണിച്ചു.
കോഴ്‌സില്‍ പ്രവേശനം നേടുന്ന വിദ്യാര്‍ഥികള്‍ക്ക് അന്താരാഷ്ട്ര നിലവാരത്തിലുള്ള സര്‍വശലാശാലകളില്‍ പരിശീലനത്തിന് 2.5 ലക്ഷത്തോളം രൂപയുടെ സ്‌കോളര്‍ഷിപ്പ് ലഭിക്കും.
വിദ്യാര്‍ഥികള്‍ക്ക് അവരുടെ മികവിനനുസരിച്ച് ഫീസിന്റെ 100 ശതമാനം വരെ ലഭിക്കുന്ന സ്‌കോളര്‍ഷിപ്പ് വേറെയുമുണ്ട്. അപേക്ഷകള്‍ www.sme.snu.edu.in എന്ന വെബ്‌സൈറ്റില്‍ ഈ മാസം 15 മുതല്‍ സ്വീകരിക്കും. ജൂലൈയിലാണ് കോഴ്‌സ് തുടങ്ങുക. കോഴ്‌സിന്റെ മികവിനായി അന്താരാഷ്ട്ര തലത്തില്‍ പ്രമുഖരായ അധ്യാപകരുടെ സേവനം ഉറപ്പുവരുത്തിയിട്ടുണ്ടെന്ന് സ്‌കൂള്‍ ഒഫ് മാനജ്‌മെന്റ് ആന്‍ഡ് എന്റര്‍പ്രേനര്‍ഷിപ്പ് ഡയറക്റ്റര്‍ ഡോ. ശുഭ്രോ സെന്‍ അറിയിച്ചു.