ഹരിപ്പാട്: യുവതിയുടെ പണമടങ്ങിയ ബാഗ് ബൈക്കിലെത്തിയ മൂന്നംഗ സംഘം തട്ടിപ്പറിച്ചു.
കുമാരപുരം എരിക്കാവ് മുണ്ടോലില്‍ ക്ഷേത്രത്തിന് വടക്കു വശത്ത് റോഡില്‍ വച്ചാണ് കൃഷ്ണപുരം കാപ്പില്‍ മേക്ക് ഹരീഷ് ഭവനത്തില്‍ ഹരീഷിന്റെ ഭാര്യ അഹിമ (25)യുടെ ഒന്നരലക്ഷം രൂപ, മൊബൈല്‍ഫോണ്‍, ടാബ് എന്നിവയടങ്ങിയ ഷോള്‍ഡര്‍ ബാഗ് ഇവരുടെ സ്‌കൂട്ടറിന്റെ പിന്നാലെ ബൈക്കിലെത്തിയ മൂന്നംഗ സംഘം തട്ടിപ്പറിച്ചത്.
ഇന്നലെ പകല്‍ 11.45 ഓടെ ആയിരുന്നു സംഭവം.
സ്വകാര്യ മൈക്രോ ഫിനാന്‍സ് കമ്പനിയുടെ കലക്ഷന്‍ ഏജന്റാണ് അഹിമ. തൃക്കുന്നപ്പുഴ പൊലിസില്‍ പരാതി നല്‍കി. പൊലിസ് അന്വേഷണം ആരംഭിച്ചു.