കോഴിക്കോട്: നാഷനല്‍ സര്‍വിസ് സ്‌കീം ടെക്‌നിക്കല്‍ സെല്ലും കേരള എനര്‍ജി മാനേജ്‌മെന്റ് സെന്ററും സംയുക്തമായി സംഘടിപ്പിക്കുന്ന സ്മാര്‍ട് എനര്‍ജി പ്രോഗ്രാം സംസ്ഥാനതല ത്രിദിന ശില്‍പശാല ആരംഭിച്ചു. ജെ.ഡി.റ്റി ഇസ്‌ലാം ഹസന്‍ ഹാജി മെമ്മോറിയല്‍ പോളിടെക്‌നിക്ക് കോളജില്‍ കെ.എസ്.ഇ.ബി ഡെപ്യൂട്ടി ചീഫ് എഞ്ചിനയര്‍ സ്വാമിനാഥന്‍ ഉദ്ഘാടനം ചെയ്തു. എം.പി അബ്ദുല്‍ ഗഫൂര്‍ അധ്യക്ഷനായി. സംസ്ഥാനത്തെ വിവിധ എന്‍ജിനീയറിങ് കോളജുകളില്‍നിന്നു തെരഞ്ഞെടുത്ത 200 ഓളം വളണ്ടിയര്‍മാര്‍ പങ്കെടുക്കുന്ന ക്യാംപ് ബുധനാഴ്ച സമാപിക്കും. കെ.കെ ജാഫര്‍, ബോസ് ജേക്കബ്, സുനില്‍ എം.എസ്, എ.സന്തോഷ്, അശ്വിന്‍ രാജ് എന്നിവര്‍ വിവിധ സെഷനുകളില്‍ സംസാരിച്ചു.