മലപ്പുറം: മുഖ്യമന്ത്രിയുടെ ദുരിതാശ്വാസ നിധിയിലേക്കു ഫണ്ട് ശേഖരിക്കുന്നതിനായി ജില്ലാ സ്‌പോര്‍ട്‌സ് കൗണ്‍സില്‍ സംഘടിപ്പിച്ച പ്രദര്‍ശന ഫുട്‌ബോള്‍ മത്സരത്തിലെ കൂപ്പണ്‍ വിതരണത്തിലൂടെ സമാഹരിച്ച 21 ലക്ഷം രൂപ മുഖ്യമന്ത്രിക്കു കൈമാറി. സ്‌പോര്‍ട്‌സ് കൗണ്‍സില്‍ പ്രസിഡന്റ് പി. ശംസുദ്ദീന്‍ തിരുവനന്തപുരത്തുവച്ചാണ് തുക കൈമാറിയത്.
ജില്ലാ ഭരണകൂടം, ഫുട്‌ബോള്‍ അസോസിയേഷന്‍, വെട്രന്‍സ് ഫുട്‌ബോള്‍ അസോസിയേഷന്‍, വ്യാപാരി വ്യവസായികള്‍, ഓള്‍ഡ് ഫുട്‌ബോള്‍ അസോസിയേഷന്‍ തുടങ്ങിയവരുടെ സംയുക്താഭിമുഖ്യത്തിലായിരുന്നു പ്രദര്‍ശന ഫുട്‌ബോള്‍ മത്സരം സംഘടിപ്പിച്ചത്.