തൃശ്ശൂര്‍: കൊടുങ്ങല്ലൂരില്‍ ഒരുകുടുംബത്തിലെ നാലുപേരെ മരിച്ച നിലയില്‍ കണ്ടെത്തി. പുല്ലൂറ്റ് തൈപ്പറമ്പത്ത് വിനോദ്(45), ഭാര്യ രമ(42), മക്കളായ നയന(17), നീരജ്(9) എന്നിവരാണ് മരിച്ചത്.
വീടിനുള്ളില്‍ നിന്ന് ദുര്‍ഗന്ധം വമിച്ചതിനെ തുടര്‍ന്ന് അയല്‍വാസികള്‍ പൊലിസില്‍ വിവരമറിയിക്കുകയായിരുന്നു.

പൊലിസ് സ്ഥലത്തെത്തി വീട് പരിശോധിച്ചപ്പോഴാണ് നാല് മൃതദേഹങ്ങള്‍ കണ്ടത്. എല്ലാവരും തൂങ്ങിമരിച്ച നിലയിലായിരുന്നു. മൃതദേഹത്തിന് മൂന്ന് ദിവസമെങ്കിലും പഴക്കമുള്ളതായി പൊലിസ് അറിയിച്ചു. അന്വേഷണം ആരംഭിച്ചതായി പൊലിസ് അറിയിച്ചു.