ആനക്കര: വള്ളുവനാട്ടിലെ പ്രസിദ്ധമായ ചാലിശ്ശേരി മുലയംപറമ്പത്തുകാവ് ഭഗവതിക്ഷേത്രത്തിലെ താലപ്പൊലി ആഘോഷിച്ചു. രാവിലെ വിശേഷാല്‍ പൂജകള്‍ക്ക് ക്ഷേത്രം തന്ത്രി തരമണനല്ലൂര്‍ പത്മനാഭന്‍നമ്പൂതിരി മുഖ്യകാര്‍മികത്വം വഹിച്ചു. ഉച്ചയ്ക്ക് ക്ഷേത്രത്തിന് മുന്‍വശത്തെ ആല്‍ത്തറയ്ക്കു സമീപം അഞ്ച് ആനകളുടെയും കുനിശ്ശേരി ചന്ദ്രന്‍മാരാരുടെ പഞ്ചവാദ്യത്തിന്റെയും അകമ്പടിയോടെ ദേവസ്വം എഴുന്നള്ളിപ്പ് നടന്നു.