കാഞ്ഞങ്ങാട്: റെയില്‍വെ ട്രാക്കിന് സമീപം അജ്ഞാതനെ മരിച്ച നിലയില്‍ കണ്ടെത്തി. കഴിഞ്ഞ ദിവസം രാത്രിയോടെയാണ് കാഞ്ഞങ്ങാട് സൗത്ത് സ്‌കൂളിന് സമീപമുള്ള റെയില്‍വേ ട്രാക്കിനടുത്ത് മൃതദേഹം കണ്ടെത്തിയത്. ഇയാള്‍ മംഗളൂരു-കണ്ണൂര്‍ പാസഞ്ചര്‍ ട്രെയിനില്‍ നിന്നും തെറിച്ചു വീണതാണെന്ന് സംശയിക്കുന്നു.

ഏകദേശം 45 വയസ് പ്രായമുള്ള ആളുടേതാണ് മൃതദേഹം. ലുങ്കിയും ഷര്‍ട്ടുമാണ് ഇയാളുടെ വേഷം. തിങ്കളാഴ്ച തൃശൂരില്‍ നിന്നും മംഗളൂരുവിലേക്ക് യാത്ര ചെയ്തതിന്റെ ട്രെയിന്‍ ടിക്കറ്റ് ഇയാളുടെ പോക്കറ്റില്‍ നിന്നും കണ്ടെത്തിയിട്ടുണ്ട്. വിവരമറിഞ്ഞ് ഹൊസ്ദുര്‍ഗ് പൊലിസ് സ്ഥലത്തെത്തി. ഇന്‍ക്വസ്റ്റിന് ശേഷം മൃതദേഹം കാഞ്ഞങ്ങാട് ജില്ലാ ആശുപത്രി മോര്‍ച്ചറിയിലേക്ക് മാറ്റി. ആളെ തിരിച്ചറിഞ്ഞിട്ടില്ലെന്നു പൊലിസ് പറഞ്ഞു.ഹൊസ്ദുര്‍ഗ് പൊലിസ് സ്റ്റേഷന്‍ ഫോണ്‍ നമ്പര്‍. 04672204229