ന്യൂഡല്‍ഹി: വോട്ടെണ്ണാന്‍ നിമിഷങ്ങള്‍ ബാക്കി നില്‍ക്കേ ജയിക്കുമെന്ന ആത്മവിശ്വാസം പ്രകടിപ്പിച്ച് ബി.ജെ.പി. 70 അംഗ സഭയില്‍ 55 സീറ്റുമായി ബി.ജെ.പി അധികാരത്തില്‍ വരുമെന്ന് പാര്‍ട്ടിയുടെ ഡല്‍ഹി അധ്യക്ഷന്‍ മനോജ് തിവാരി മാധ്യമപ്രവര്‍ത്തകരോട് പറഞ്ഞു.

'ഞങ്ങള്‍ 48ഓ അതിലധികമോ സീറ്റില്‍ വിജയിക്കും. ഞങ്ങള്‍ 55 സീറ്റ നേടിയാലും അതിശയപ്പെടാനില്ല'- തിവാരി പറഞ്ഞു. ഫലം എന്തായാലും അത് എല്ലാവരും അംഗീകരിക്കുമെന്നും ആരും വോട്ടിങ് മെഷീനെ കുറ്റം പറയില്ലെന്നും അദ്ദേഹം കൂട്ടിച്ചേര്‍ത്തു.

ഡല്‍ഹിയില്‍ വോട്ടെണ്ണല്‍ തുടങ്ങിയിട്ടുണ്ട്. പോസ്റ്റല്‍ വോട്ടുകളാണ് ആദ്യം എണ്ണുന്നത്. എ.എ.പിയും ബി.ജെ.പിയും തമ്മിലാണ് മത്സരം. ആം ആദ്മി പാര്‍ട്ടി വിജയിക്കുമെന്നാണ് എക്‌സിറ്റ് പോള്‍ പ്രവചനം.