കല്ലടിക്കോട്: മൊറാര്‍ജി കള്‍ച്ചറല്‍ ഫൗണ്ടേഷന്റെ ആഭിമുഖ്യത്തില്‍ മൊറാര്‍ജി അനുസ്മരണവും നെച്ചുള്ളി ബാലന്‍ പുരസ്‌കാര സമര്‍പണവും സംഘടിപ്പിച്ചു. രാജ്യത്തിന്റെ സാമ്പത്തിക പദ്ധതികളെക്കുറിച്ചും ദാരിദ്ര്യ നിര്‍മാര്‍ജനത്തെ കുറിച്ചും സുവ്യക്ത  നയരൂപീകരണം നടത്തിയ പ്രധാനമന്ത്രി ആയിരുന്നു മൊറാര്‍ജിയെന്നും ലളിത ജീവിതത്തിന്റെ ഉടമയായിരുന്നു അദ്ദേഹമെന്നും സെമിനാര്‍ അഭിപ്രായപെട്ടു. വടകര മുന്‍ എം.എല്‍.എ.യും ചിന്തകനുമായ എം.കെ പ്രേംനാഥ് അനുസ്മരണ യോഗം ഉദ്ഘാടനം ചെയ്തു. കെ. ബഷീര്‍ അധ്യക്ഷനായി. കെ.ആര്‍ ഗോപിനാഥ്, ജോസ് ബേബി, ടി.കെ. സുബ്രമണ്യന്‍, ജബ്ബാറലി, എടത്തറ രാമകൃഷ്ണന്‍, ജോണ്‍ മരങ്ങോലി പ്രസംഗിച്ചു. പ്രമുഖ തൊഴിലാളിവര്‍ഗ നേതാവും മനുഷ്യാവകാശ പ്രവര്‍ത്തകനുമായിരുന്ന നെച്ചുള്ളി ബാലന്റെ പേരില്‍ ഏര്‍പ്പെടുത്തിയ പുരസ്‌കാരങ്ങളുടെ വിതരണവും നടത്തി.