കോട്ടക്കല്‍: റോഡരികിലെ തകര്‍ച്ചയിലായ ഫ്യൂസ് കാരിയര്‍ ബോക്‌സ് യാത്രക്കാര്‍ക്കു അപകട ഭീഷണി ഉയര്‍ത്തുന്നു. കോട്ടക്കല്‍- കോട്ടൂര്‍- ഇന്ത്യനൂര്‍ മെയിന്‍ റോഡില്‍ കാവതികളത്തെ ട്രാന്‍സ്‌ഫോമറിനോട് ചേര്‍ന്നു ഘടിപ്പിച്ച ഫ്യൂസ് കാരിയര്‍ ബോക്‌സാണ് അപകട ഭീഷണിയാകുന്നത്. റോഡ് വീതി കുറഞ്ഞ ഇവിടെ റോഡിലാണ് ട്രാന്‍സ്‌ഫോര്‍മറും ഫ്യൂസ് കാരിയര്‍ ബോക്‌സും മറ്റും സ്ഥാപിച്ചിട്ടുള്ളത്.
ഫ്യൂസ് കാരിയര്‍ ബോക്‌സ് തകര്‍ന്നതിരിക്കുന്നതിനാല്‍ ഏതു സമയവും റോഡിലേക്ക് മറിഞ്ഞുവീഴുന്ന വിധത്തിലാണുള്ളത്.
റോഡ് വീതികുറവിനാല്‍ ഈ ഭാഗത്ത്കൂടെ നടന്നു പോകുന്ന കുട്ടികളടക്കമുള്ള യാത്രക്കാര്‍ ബസും മറ്റു വാഹനങ്ങളും വരുമ്പോള്‍ ഫ്യൂസ് കാരിയര്‍ ബോക്‌സിനോട് ചേര്‍ന്നു നില്‍ക്കണം. ഫ്യൂസ് കാരിയര്‍ ബോക്‌സിലേക്കു വൈദ്യുതി പ്രവഹിക്കുന്നതിനാല്‍ അപകടം ഉണ്ടാവാന്‍ സാധ്യത കൂടുതലാണ്.