കല്‍പ്പറ്റ: ഭൂമിയില്‍ അവശേഷിക്കുന്ന ഓരോ തുള്ളി വെള്ളവും മിതമായും വിവേക പൂര്‍ണമായും ഉപയോഗിക്കും എന്ന പ്രതിജ്ഞയോടെ കുടുംബശ്രീ നടത്തുന്ന ജല സംരക്ഷണ ബോധവല്‍കരണ കാംപയിനിന് തുടക്കമായി. മീനങ്ങാടി പഞ്ചായത്ത് കമ്മ്യൂണിറ്റി ഹാളില്‍ നടന്ന ജില്ലാതല ശില്‍പശാല ഗ്രാമപഞ്ചായത്ത് പ്രസിഡന്റ് ബീന വിജയന്‍ ഉദ്ഘാടനം ചെയ്തു. ശില്‍പശാലയില്‍ മീനങ്ങാടി ഗ്രാമപഞ്ചായത്ത് സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ ലിസി പൗലോസ്, ഷാസിക ബിനു, ലീഡ് ബാങ്ക് മാനേജര്‍ എം.ഡി ശ്യാമള, കുടുംബശ്രീ ജില്ലാ മിഷന്‍ കോഡിനേറ്റര്‍ ജയചന്ദ്രന്‍, അസി. കോഡിനേറ്റര്‍ കെ.എ ഹാരിസ്, സി.ഡി.എസ് ചെയര്‍പേഴ്‌സണ്‍ ശ്രീകല ദിനേശ്ബാബു, ശാസ്ത്ര സാഹിത്യപരിഷത്ത് കേന്ദ്ര നിര്‍വാഹക സമിതി അംഗം എം ബാലഗോപാലന്‍, വനം വകുപ്പ് സീനിയര്‍ ക്ലാര്‍ക്ക് ബിജു എന്നിവര്‍ സംസാരിച്ചു.