വെഞ്ഞാറമൂട്: വെഞ്ഞാറമൂട് വെള്ളാണിക്കലില്‍ എക്‌സൈസ് റെയ്ഡ്, അഞ്ച് ലിറ്റര്‍ വാറ്റ് ചാരായവും, അന്‍പത് ലിറ്റര്‍ വാഷും പിടികൂടി, ഒരാള്‍ പിടിയില്‍.
വെള്ളാണിക്കല്‍ വട്ടവിള വീട്ടില്‍, ചന്ദ്രകുറുപ്പ് (54) ആണ് പിടിയിലായത്. വെള്ളാണിക്കല്‍ ക്ഷേത്ര ഉത്സവത്തിന് വിതരണം ചെയ്യുവാനായി തയാറാക്കിയതാണെന്ന് ഇയാള്‍ എക്‌സൈസ് സംഘത്തിനോട് പറഞ്ഞു. വാമനപുരം എക്‌സൈസ് ഇന്‍സ്പക്ടര്‍ മിഥുന്‍ ലാലിന് ലഭിച്ച രഹസ്യവിവരത്തിന്റെ അടിസ്ഥാനത്തിലായിരുന്നു റെയ്ഡ്. റെയ്ഡില്‍ എക്‌സൈസ് ഇന്‍സ്പക്ടര്‍ മിഥുന്‍ ലാല്‍, സിവില്‍ എക്‌സൈസ് ഓഫിസര്‍മാരായ പീതാംബരന്‍ പിള്ള, സ്‌നേഹേഷ്, നസീര്‍, സജിത്, പ്രവീണ്‍ കുമാര്‍ റെയിഡില്‍ പങ്കെടുത്തത്.