നീലേശ്വരം: ദേശീയപാത പള്ളിക്കര റെയില്‍വേ ഗേറ്റിന് സമീപം വീണ്ടും അപകട മേഖലയാകുന്നു. കഴിഞ്ഞ ദിവസം ഓയില്‍ ടാങ്കര്‍ വയലിലേക്ക് മറിഞ്ഞു. ആളപായമില്ല. ഇതേതുടര്‍ന്ന് ദേശീയപാതയില്‍ ഭാഗികമായി ഗതാഗതം മുടങ്ങി. നീലേശ്വരം പൊലിസ് സ്ഥലത്തെത്തി ഗതാഗതം നിയന്ത്രിച്ചു. ക്രെയിന്‍ ഉപയോഗിച്ച് ടാങ്കര്‍ നീക്കാന്‍ ശ്രമിച്ചെങ്കിലും സാധിച്ചില്ല. ഗതാഗത തടസത്തിനും പൂര്‍ണമായും പരിഹാരമായില്ല.