കോട്ടക്കല്‍: മലപ്പുറം റൂറല്‍ ഐ.സി.ഡി.എസിന്റെ നേതൃത്വത്തില്‍ അന്താരാഷ്ട്ര വനിതാ ദിനത്തോടനുബന്ധിച്ച് ഒരാഴ്ച നീണ്ടു നീണ്ടുനില്‍ക്കുന്ന പരിപാടികള്‍ക്ക് തുടക്കമായി. പരിപാടിയുടെ ഭാഗമായി വിളംബര ജാഥയും പൊതു സമ്മേളനവും നടത്തി. ഒതുക്കുങ്ങല്‍ പഞ്ചായത്ത് പ്രസിഡന്റ് ബീഫാത്തിമ ജാഥ ജാഥ ഫ്‌ളാഗ് ഓഫ് ചെയ്തു. പൊതുസമ്മേളനം ജില്ലാ പഞ്ചായത്ത് വൈസ്പ്രസിഡന്റ് സക്കീന പുല്‍പ്പാടന്‍ നിര്‍വഹിച്ചു. മലപ്പുറം ബ്ലോക്ക് പഞ്ചായത്ത് പ്രസിഡന്റ് കെ സലീന അധ്യക്ഷയായി. ജില്ലാ ജാഗ്രതാ സമിതി മെമ്പര്‍ അഡ്വ. സുജാത എസ് വര്‍മ വിഷയാവതരണം നടത്തി. കോട്ടക്കല്‍ നഗരസഭ വൈസ് ചയര്‍പേഴ്‌സണ്‍ ബുഷ്‌റ ഷബീര്‍, ശിശു വികസന പദ്ധതി ഓഫീസര്‍ ഗീതാജ്ഞലി, തദ്ദേശ സ്ഥാപന പ്രതിനിധികളായ കടമ്പോട്ട് മൂസ, ടി.വി മുംതാസ്, എ സജ്‌ന മോള്‍, ലൈല പി, കെ കൃഷ്ണ ടീച്ചര്‍, എം.കെ ബിന്ദു എന്നിവര്‍ സംസാരിച്ചു. ഗവ. വനിതാ കോളജിലെ എന്‍.എസ്.എസ് യൂണിറ്റ്, വിവിധ അങ്കണവാടി പ്രവര്‍ത്തകര്‍ എന്നിവരുടെ നേതൃത്വത്തില്‍ വിവിധ കലാപരിപാടികള്‍ അരങ്ങേറി.