ന്യൂഡല്‍ഹി: കശ്മിരി പണ്ഡിറ്റ് സമുദായത്തിന് കശ്മിര്‍ താഴ്്‌വരയില്‍ പ്രത്യേക ടൗണ്‍ഷിപ്പ് വേണമെന്ന് ആവശ്യം. ഇക്കാര്യം ചൂണ്ടിക്കാട്ടി കശ്മിരില്‍നിന്ന് പലായനം ചെയ്തതിന്റെ 29ാം വാര്‍ഷികമായ ഇന്നലെ രാജ്ഘട്ടില്‍ ഒത്തുകൂടിയാണ് അവര്‍ ഈ ആവശ്യം ഉന്നയിച്ചത്.

കശ്മിരിലേക്കു തിരികെ പോകാന്‍ സഹായിക്കണമെന്നും ഇതിന് ആവശ്യമായ സംരക്ഷണം വേണമെന്നും അവര്‍ സര്‍ക്കാരിനോട് ആവശ്യപ്പെട്ടു.

1990കളിലാണ് ആയുധ ധാരികളായ ഭീകരരുടെയും മറ്റും ഭീഷണിയെ തുടര്‍ന്ന് ഇവര്‍ കശ്മിര്‍ വിട്ട് ഓടിപ്പോകേണ്ടി വന്നത്. കശ്മിരിലെ ന്യൂനപക്ഷമായ ഇവര്‍ക്ക് വലിയ ഭീഷണിയാണ് നേരിടേണ്ടി വന്നത്. നിരവധിപേര്‍ കൊല്ലപ്പെടുകയും സ്ത്രീകള്‍ പീഡിപ്പിക്കപ്പെടുകയും ചെയ്തതിനെ തുടര്‍ന്നാണ് ഇവര്‍ കശ്മിരില്‍നിന്ന് ഓടിപ്പോയത്.