ഡല്‍ഹി: ബി.ജെ.പിയുടെ പുതിയ സംസ്ഥാന അധ്യക്ഷനായി കെ.സുരേന്ദ്രനെ നിയമിച്ചു. ദേശീയ അധ്യക്ഷന്‍ ജെ.പി നദ്ധയാണ് ഇക്കാര്യം പ്രഖ്യാപിച്ചത്. നിലവില്‍ സംസ്ഥാന ജനറല്‍ സെക്രട്ടറിയാണ് കെ.സുരേന്ദ്രന്‍.

പി.എസ് ശ്രീധരന്‍ പിള്ള മിസോറാം ഗവര്‍ണറായി പോയ ശേഷം കേരളത്തില്‍ സംസ്ഥാന അധ്യക്ഷന്റെ സ്ഥാനം ഒഴിഞ്ഞു കിടക്കുകയായിരുന്നു.
ആര് അടുത്ത അധ്യക്ഷനാകുമെന്ന കാര്യത്തില്‍ വലിയ തര്‍ക്കമായിരുന്നു ബി.ജെ.പിയിലുയര്‍ന്നിരുന്നത്.
എം.ടി രമേശ്, ശോഭാ സുരേന്ദ്രന്‍ എന്നിവരെയും അധ്യക്ഷ സ്ഥാനത്തേക്ക് പരിഗണിച്ചിരുന്നുവെങ്കിലും ഒടുവില്‍ കെ.സുരേന്ദ്രന് നറുക്കു വീഴുകയായിരുന്നു. ബി.ജെ.പിയുടെ ഏറ്റവും പ്രായം കുറഞ്ഞ അധ്യക്ഷനാകുകയാണ് കെ.സുരേന്ദ്രന്‍.