തിരുവനന്തപുരം: സംസ്ഥാനത്തെ റെയില്‍വേ സ്റ്റേഷനുകളില്‍ ഉടമസ്ഥരില്ലാതെ 200ഓളം വാഹനങ്ങള്‍. നാഗര്‍കോവില്‍, തിരുവനന്തപുരം സെന്‍ട്രല്‍, എറണാകുളം, തൃശൂര്‍ സ്റ്റേഷനുകളിലാണ് ഉടമസ്ഥരില്ലാത്ത ഇരുചക്ര വാഹനങ്ങള്‍ കെട്ടിക്കിടക്കുന്നത്. ഇവയുടെ വിവരങ്ങള്‍ മോട്ടോര്‍ വാഹന വകുപ്പിനെയും പൊലിസിനെയും അറിയിച്ചിട്ടുണ്ട്. റെയില്‍വേയുടെ വെബ്‌സൈറ്റുകളിലും വിവരങ്ങള്‍ ലഭ്യമാണ്. മദ്രാസ് ഹൈക്കോടതിയുടെ ഉത്തരവിന്റെ അടിസ്ഥാനത്തില്‍ ഇവയെ പാഴ് വസ്തുക്കളുടെ ഗണത്തിലേക്ക് മാറ്റാന്‍ റെയില്‍വേ നീക്കമാരംഭിച്ചിട്ടുണ്ട്. ഉടമസ്ഥരുണ്ടെങ്കില്‍ തിരുവനന്തപുരം സെന്‍ട്രല്‍ ഡെപ്യൂട്ടി സ്റ്റേഷന്‍ മാനേജറുമായി ബന്ധപ്പെടണമെന്ന് റെയില്‍വേ അറിയിച്ചു.