മീനങ്ങാടി: മീനങ്ങാടിക്ക് സമീപം റവന്യൂഭൂമിയിലും സ്വകാര്യ തോട്ടത്തിലും തീപിടിച്ചു.
അപ്പാട്, പന്നിമുണ്ട റൂട്ടില്‍ പള്ളിക്കാമൂല ക്ഷേത്രത്തിന് സമീപമുള്ള റവന്യൂ ഭൂമിയിലാണ് തീപിടുത്തമുണ്ടായത്. തുടര്‍ന്ന് തൊട്ടടുത്ത സ്വകാര്യ വ്യക്തിയുടെ തോട്ടത്തിലേക്കും തീ പടര്‍ന്നു കയറുകയായിരുന്നു. സംഭവം ശ്രദ്ധയില്‍പ്പെട്ടയുടന്‍ നാട്ടുകാര്‍ സുല്‍ത്താന്‍ ബത്തേരി ഫയര്‍ഫോഴ്‌സ് അധികൃതരെ വിവരമറിയിക്കുകയും ഫയര്‍ഫോഴ്‌സെത്തി തീയണക്കുകയും ചെയ്തു. നട്ടുച്ച നേരമായതിനാല്‍ തീ വളരെ വേഗം പടര്‍ന്നു കയറിയെങ്കിലും നാട്ടുകാരുടെയും അഗ്നിശമന സേനാംഗങ്ങളുടെയും തക്ക സമയത്തെ ഇടപെടല്‍ മൂലം വലിയ രീതിയിലുള്ള നാശനഷ്ടം വരുന്നതിന് മുമ്പ് തീയണക്കുകയായിരുന്നു.