കൊടുവള്ളി: നഗരസഭാ പരിധിയില്‍ പുതുതായി അനുവദിച്ച കൊടുവള്ളി കോ-ഓപറേറ്റീവ് അര്‍ബന്‍ സൊസൈറ്റിയുടെ ഉദ്ഘാടനം മാര്‍ച്ച് നാലിന് രാവിലെ ഒന്‍പതിന് പ്രതിപക്ഷ നേതാവ് രമേശ് ചെന്നിത്തല നിര്‍വഹിക്കുമെന്ന് ബാങ്ക് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. ബാങ്ക് സ്‌ട്രോങ് റൂമിന്റെ ഉദ്ഘാടനം മുന്‍ മന്ത്രി പി.കെ കുഞ്ഞാലിക്കുട്ടിയും കംപ്യൂട്ടര്‍ സ്വിച്ച് ഓണ്‍ കര്‍മം കാരാട്ട് റസാഖ് എം.എല്‍.എയും നിര്‍വഹിക്കും.
മുതിര്‍ന്ന സഹകാരികളായ പി. രാഘവന്‍ നായര്‍, കെ. ഹംസ ഹാജി എന്നിവരെ എം.കെ രാഘവന്‍ എം.പി ആദരിക്കും. പി.ടി.എ റഹീം എം.എല്‍.എ, മുന്‍ എം.എല്‍.എ വി.എം ഉമ്മര്‍ മാസ്റ്റര്‍, നഗരസഭാ ചെയര്‍പേഴ്‌സന്‍ ശരീഫ കണ്ണാടിപ്പൊയില്‍ പങ്കെടുക്കും.
വാര്‍ത്താസമ്മേളനത്തില്‍ പ്രസിഡന്റ് സി.പി അബ്ദുല്‍ റസാഖ്, വൈസ് പ്രസിഡന്റ് പി.ആര്‍ മഹേശ്, ഡയറക്ടര്‍ പി.സി ജമാല്‍ പങ്കെടുത്തു.