മംഗളൂരു: ബലാത്സംഗത്തിന് ഇരയായ പെണ്‍കുട്ടിയുടെ പടം സോഷ്യല്‍ മീഡിയയില്‍ പ്രചരിപ്പിച്ച സംഭവത്തില്‍ രണ്ടുപേരെ പൊലിസ് അറസ്റ്റു ചെയ്തു. ഉള്ളാള്‍ സോമേശ്വര്‍ സ്വദേശി നിവേശ്(28), ഉദയ നഗര്‍ സ്വദേശി ദുര്‍ഗേശ(25) എന്നിവരെയാണ് അറസ്റ്റു ചെയ്തത്. പെണ്‍കുട്ടിയെ തട്ടിക്കൊണ്ടു പോയി രണ്ടുപേര്‍ ലോഡ്ജില്‍ വച്ച് പീഡനത്തിന് ഇരയാക്കുകയായിരുന്നു.
പ്രായപൂര്‍ത്തിയാവാത്ത പെണ്‍കുട്ടിയുടെ പടവും മറ്റു വിവരങ്ങളും ആക്ഷേപ സന്ദേശങ്ങളും അറസ്റ്റിലായവര്‍ സമൂഹ മാധ്യമങ്ങളില്‍ പ്രചരിപ്പിച്ചതായി മംഗളൂരുവിലെ വനിതാ പൊലിസ് വിഭാഗത്തിന് പരാതി കിട്ടിയതിനെ തുടര്‍ന്നാണ് അറസ്റ്റു ചെയ്തത്.