ബാഗ്ദാദ്: ഇറാഖ് തലസ്ഥാനമായ ബാഗ്ദാദിലുള്ള യു.എസ് എംബസിക്കു സമീപം റോക്കറ്റാക്രമണം.  എംബസിക്ക് സമീപം നിരവധി റോക്കറ്റുകള്‍ പതിച്ചതായി അമേരിക്കന്‍ സൈനിക വൃത്തങ്ങള്‍ അറിയിച്ചു. എത്ര റോക്കറ്റുകള്‍ പതിച്ചെന്ന് വ്യക്തമല്ല. 

ഞായറാഴ്ച പുലര്‍ച്ചെയാണ് സംഭവം.ആളപായമുണ്ടായതായി റിപ്പോര്‍ട്ടില്ല. ബാഗ്ദാദിലെ ഗ്രീന്‍ സോണില്‍ അതീവസുരക്ഷാ മേഖലയിലാണ് റോക്കറ്റുകള്‍ പതിച്ചിരിക്കുന്നത്. കഴിഞ്ഞ നാലു മാസത്തിനിടെ അമേരിക്കന്‍ എംബസിയെയും യുഎസ് സൈനികരെയും ലക്ഷ്യമിട്ടുള്ള പത്തൊന്പതാമത്തെ ആക്രമണമാണ് ഇത്.