ആലപ്പുഴ: ബീച്ചിനോട് ചേര്‍ന്നുള്ള വിജയാ പാര്‍ക്കിനു സമീപം നിര്‍മാണത്തിലിരിക്കുന്ന ദേശീയപാത ഗര്‍ഡറുകള്‍ തകര്‍ന്നു വീണു. നാല് ഗര്‍ഡറുകളാണ് തകര്‍ന്നത്. എലിവേറ്റഡ് ഹൈവേയുടെ ഭാഗമായ മേല്‍പാലത്തിന്റെ കൂറ്റന്‍ ഗര്‍ഡറാണ് ഇന്നു രാവിലെ 11മണിയോടെ തകര്‍ന്നു വീണത്. 

തൊഴിലാളികള്‍ താമസിക്കുന്ന ഷെഡിനു മുകളിലേക്കാണ്  ഗര്‍ഡര്‍ തകര്‍ന്നു വീണതെന്ന് ദൃക്സാക്ഷികള്‍ പറഞ്ഞു. സംഭവ സമയത്ത് ഷെഡില്‍ തൊഴിലാളികള്‍ ഇല്ലാതിരുന്നതിനാല്‍ ആളപായമുണ്ടായില്ല. 

രണ്ട് മേല്‍പാതകളാണ് ഇവിടെയുള്ളത്. ഒന്നിന്റെ നിര്‍മാണം പുരോഗമിക്കുകയാണ്. മറ്റേത് ഗതാഗതത്തിന് തുറന്നുകൊടുത്തിട്ടുണ്ട്.സംഭവത്തില്‍ ദേശീയപാതാ ഉദ്യേഗസ്ഥരോട് രണ്ട് ദിവസത്തിനുള്ളില്‍ റിപ്പാര്‍ട്ട് സമര്‍പ്പിക്കാന്‍ ജില്ലാ കളക്ടര്‍ നിര്‍ദ്ദേശം നല്‍കിയിട്ടുണ്ട്.