പാലക്കാട്: വണ്ടാഴി കിഴക്കേത്തറ ഏറാട്ടുകുളമ്പില്‍ കുടുംബനാഥനെ വെടിയേറ്റു മരിച്ച നിലയില്‍ കണ്ടെത്തി. ഏറാട്ടുകുളമ്പ് ക്യഷ്ണകുമാര്‍ (52) ആണ് മരിച്ചത്. ഇയാളുടെ ഭാര്യ സംഗീത (47)യെ കോയമ്പത്തൂരിലെ താമസസ്ഥലത്തു വെടിയേറ്റു മരിച്ച നിലയില്‍ കണ്ടെത്തിയിട്ടുണ്ട്. 

കൃഷ്ണകുമാര്‍ കോയമ്പത്തൂരിലെത്തി സംഗീതയെ കൊലപ്പെടുത്തിയ ശേഷം പാലക്കാട്ട് വീട്ടിലെത്തി സ്വയം വെടിയുതിര്‍ക്കുകയായിരുന്നുവെന്നാണ് പ്രാഥമിക നിഗമനം. 

ഭാര്യയെ കൊലപ്പെടുത്തിയ ശേഷം കാറോടിച്ച് നാട്ടിലെത്തിയാണ് കൃഷ്ണകുമാര്‍ ജീവനൊടുക്കിയത്. ഇവര്‍ക്ക് കുടുംബപ്രശ്‌നങ്ങളുണ്ടായിരുന്നുവെന്നാണ് സൂചന. ഭാര്യക്ക് മറ്റ് ബന്ധങ്ങളുണ്ടെന്ന് സംശയിച്ചാണ് കൊലപാതകമെന്നാണ് വിവരം. സംഗീത സ്വകാര്യ സ്‌കൂള്‍ അധ്യാപികയാണ്. ദമ്പതികള്‍ക്ക് രണ്ടു മക്കളുണ്ട്.