കൊട്ടിയം: കെ.എം.വൈ.എഫ് കനിവ്, മൈലാപ്പൂര് യൂനിറ്റുകളുടെ സംയുക്താഭിമുഖ്യത്തില്‍ റഹീം മൗലവി അനുസ്മരണവും മെരിറ്റ് അവാര്‍ഡ് ഫെസ്റ്റും സംഘടിപ്പിച്ചു.
മൈലാപ്പൂര്‍ പള്ളി ജങ്ഷന്‍, എച്ച്.ഐ.എം.ഹാളില്‍ നടന്ന സമ്മേളനം ദക്ഷിണ കേരള ഇസ്‌ലാം മത വിദ്യാഭ്യാസ ബോര്‍ഡ് ചെയര്‍മാന്‍ എ.കെ ഉമര്‍ മൗലവി ഉദ്ഘാടനം ചെയ്തു. കൊല്ലം ജില്ലാ പഞ്ചായത്ത് മെമ്പര്‍ കെ.ബി.ഫത്തഹുദ്ദീന്‍ അനുമോദന പ്രഭാഷണം നടത്തി. നൗഷാദ് എം.എല്‍.എ, എം.എം.ജെ.പ്രസിഡന്റ് ഐ.ഷാജഹാന്‍ സാഹിബ് ജമാഅത്ത് ഫെഡറേഷന്‍ കൊല്ലം താലൂക്ക് പ്രസിഡന്റ് നൂറുദ്ദീന്‍ വൈദ്യര്‍ അമ്പലക്കുന്ന്, ഷാജഹാന്‍ മന്നാനി തുടങ്ങിയവര്‍ സംസാരിച്ചു. പ്ലസ് ടു തലത്തില്‍ എല്ലാ വിഷയങ്ങള്‍ക്കും എ പ്ലസ് നേടിയ ആമിനാ ഷാജഹാന്‍, റസിയ എന്നിവര്‍ക്കും എസ്.എസ്.എല്‍.സി. തലത്തില്‍ ഫുള്‍ എ പ്ലസ് നേടിയ ഷെഫീഖ്, അല്‍ അമിന്‍, ലക്ഷ്മി പ്രിയ, അജ്ഞന, ഫാത്തിമ, മനു, ശ്രുതി എന്നിവര്‍ക്ക് റഹീം മൗലവി എക്‌സലന്‍സി അവാര്‍ഡ് നല്‍കി അനുമോദിച്ചു. കെ.എം.വൈ.എഫ്. മിലാദ് കമ്മിറ്റി ചെയര്‍മാന്‍ സഹദുദ്ദീന്റെ അധ്യക്ഷതയില്‍ കൂടിയ സമ്മേളനത്തില്‍ നിമിര്‍ നിസാമുദ്ദീന്‍ സ്വാഗതവും നൗഫല്‍ തടത്തില്‍മുക്ക് നന്ദിയും പറഞ്ഞു.