കുറ്റ്യാടി: തന്റെ വാഹനത്തില്‍ നിന്നു കളഞ്ഞു കിട്ടിയ സ്വര്‍ണ്ണം ഉടമയ്ക്ക് തിരിച്ചേല്‍പ്പിച്ചു ഡ്രൈവര്‍ മാതൃകയായി. പളളിയത്ത് നിന്നു പെരുവയല്‍ വഴി കുറ്റ്യാടിയിലേക്ക് സര്‍വിസ് നടത്തുന്ന ജനകീയ ജീപ്പ് ഡ്രൈവര്‍ മലയില്‍ ആശിഖാണ് രണ്ട് പവനില്‍ കൂടുതള്ള സ്വര്‍ണ്ണമടങ്ങിയ ബാഗ് ഉടമയ്ക്ക് തിരികെ നല്‍കിയത്. ഇത് മൂന്നാം തവണയാണ് ജനകീയ ജീപ്പില്‍ നിന്നും വിലപിടിപ്പുള്ള വസ്തുക്കള്‍ ആഷിഖിന് കളഞ്ഞുകിട്ടുന്നത്. എല്ലാം ഉടമകളെ കണ്ടെത്തി തിരിച്ചു നല്‍കുവാന്‍ കഴിഞ്ഞ ചാരിതാര്‍ഥ്യത്തിലാണ് ആഷിഖ്. ഏറ്റവും ഒടുവിലായി കിട്ടിയ സ്വര്‍ണ്ണ മടങ്ങിയ ബാഗ് പെരുവയലില്‍ നടന്ന ലളിതമായ ചടങ്ങില്‍ പഞ്ചായത്ത് അംഗവും ജനകീയ ജീപ്പ് സര്‍വിസീ കമ്മിറ്റി രക്ഷാധികാരിയുമായ സി.എന്‍ അമ്മത് ഹാജിയുടെ സാന്നിധ്യത്തില്‍ ഉടമ പെരുവയല്‍ സ്വദേശി രാഗിക്ക് കൈമാറി.